Barış Alper Yılmazın "Galatasaray"da Viktor Osimhenin yoxluğunda mərkəz hücumçusu mövqeyindəki səmərəsiz çıxışı tənqidlərə səbəb olub.
Manset.az türk mediasına istinadən xəbər verir ki, Viktor Osimhenin zədələnməsindən sonra "Sportinq Lissabon"la matçda mərkəz hücumçusu kimi meydana çıxan Barış Alper Yılmaz sönük oyunu ilə narazılıq yaradıb. Karyerası ərzində Çempionlar Liqasında 28 matça çıxan milli futbolçu bu turnirdə cəmi 1 qol vurub və Portuqaliyadakı səfər görüşündə də məhsuldar göstəricilərlə yadda qala bilməyib. Avropa Liqasında keçirdiyi 15 qarşılaşmada 1 dəfə fərqlənən 26 yaşlı hücumçu, "Galatasaray"ın heyətində avrokuboklarda ümumilikdə cəmi 2 qola imza atıb.
