Türkiyə millisinin UEFA Millətlər Liqasının A Liqası çərçivəsində Belçikaya 2:1 hesabı ilə məğlub olduğu qarşılaşmada möhtəşəm cərimə zərbəsi ilə rəqib qapısına yol tapan Arda Gülər Avropa mətbuatının diqqət mərkəzinə düşüb.
Manset.az Türkiyə mediasına istinadən xəbər verir ki, UEFA Millətlər Liqasının A Liqasında beşinci oyununa çıxan Türkiyə millisi Belçika ilə qarşılaşıb. Baş məşqçi Sergen Yalçının rəhbərliyi altında ilk oyununa çıxan Türkiyə yığması hesabda önə keçməsinə baxmayaraq, rəqibinə 2:1 hesabı ilə uduzub.
“Ay-ulduzlular”ın yeganə qoluna Arda Gülər imza atıb. Gənc futbolçunun uzaq məsafədən yerinə yetirdiyi cərimə zərbəsini birbaşa qapının yuxarı küncünə göndərməsi Avropa mətbuatında geniş əks-səda doğurub
Gənc ulduzun vurduğu qol “Messini xatırladan qol” kimi ifadələrlə dəyərləndirilib.
