Manset.az | Moskvada konsert zalında dəhşət: 40 ölü, 130 yaralı

Dmitriy Medvedyev: ""Əgər terror aktının arxasında Ukraynanın dayandığı müəyyən olunarsa, o zaman bütün hücum edənlər və təşkilatçılar tapılmalı və terrorçu kimi amansızcasına məhv edilməlidir. O cümlədən dövlət məmurları".

***23:54

Azərbaycan Xarici İşlər Nazirliyi Rusiyaya başsağlığı verib.

Manset.az xəbər verir ki, bu barədə XİN sosial şəbəkədə paylaşım edib.

"Moskvada "Krokus siti holl" konsert kompleksinə edilmiş dəhşətli hücumu qətiyyətlə pisləyirik. Günahsız qurbanların ailələrinə, eləcə də Rusiya Federasiyası xalqına və hökumətinə dərin hüznlə başsağlığı veririk. Bütün yaralılara şəfa diləyirik. Azərbaycan terrorun qurbanı olan ölkə kimi terrorçuluğun bütün forma və təzahürlərini pisləyir", - xarici siyasət idarəsi qeyd edib.

---------
23:53

Özbəkistan Xarici İşlər Nazirliyi Krokusda törədilən terror aktını kəskin şəkildə pisləyib.

***23:52

Manset.az bildirir ki,Rusiyanın "Aeroflot" aviaşirkəti "Crocus City Hall"da baş vermiş faciəyə görə reysini ləğv edən sərnişinlərə aviabiletləri dəyişdirəcək və ya qaytaracaq.

***23:49

Rusiya Federasiyasının Təhsil və Elm Nazirliyi "Crocus City Hall"da baş vermiş terror aktı ilə əlaqədar universitetlərə həftə sonları kütləvi tədbirlərdən imtina etməyi və dərsləri distant təhsilə keçirməyi tövsiyə edib

***23:47

Terrorçular tərəfindən öldürülən onlarla insanın cəsədi yanan "Crocus"da qalıb.

Manset.az bildirir ki, yuxarı mərtəbələr hələ də alov içərisindədir. Yanğınsöndürənlər sağ qalanları axtarır.

***23:44

"Crocus City Hall"ın 5 əməkdaşı terror aktından sonra saxlanılıb. Vəziyyəti aydınlaşdırmaq üçün onları polis şöbəsinə aparılıblar.

***23:42

İtaliya və Almaniya da Rusiyaya başsağlığı verdi

***23:39

Moskva metrosunda sərnişinlər gücləndirilmiş nəzarət-baxışdan keçirlər.

"Myakinino" stansiyasına Metropoliten Mühafizə Xidmətinin əlavə qüvvələri, eləcə də metropolitendə polis əməkdaşları gəlib. "Myakinino" stansiyası giriş-çıxış üçün normal işləyir.

Belarus, Türkiyə, Qazaxıstan və Pakistan Rusiyaya başsağlığı verib.

***23:26

Manset.az bildirir ki, Rusiya Federal Təhlükəsizlik Xidməti terakt zamanı 40 nəfərin öldüyün təsdiqlədi. Ölü sayının artacağı istisna edilmir.

***23:25

Terror aktında şübhəli bilinənlərdən biri saxlanılıb

***23:06

Manset.az bildirir ki, terrorçuların "Crocus City Hall"a gəldikləri avtomobil minalanmış vəziyyətdə avtomobil dayanacağındadır. Avtomobildəki əldəqayırma partladıcı qurğunun zərərsizləşdirilməsinə hazırlıq gedir

***22:56

Hadisə yerində olan azərbaycanlı Asya Cəfərova danışdı:

"Hər şey "Krokus Siti Holl" başladı, biz "Vegas Siti Holl"da Röyanın konsertinin başlamasını gözləyirdik. Zalda tüstü var idi və birdən insanlar küçəyə qaçmağa başladılar, atışma səsləri eşidildi. Küçəyə qaçdıq və gördük ki, "Krokus" yanır. Polis bütün maşınları çıxarmağa başladı. Hər yerdə təhlükəsizlik qüvvələri var. İkinci partlayış eşidildi. Bina yanmağa davam edir.

***22:53

Manset.az bildirir ki, şahidlərdən biri terrorçuları belə təsvir edir: "Ən azı beş nəfərdilər, saqqallı. Onlar hazırlanmış və öyrədilmiş döyüşcülər kimi davranırlar. Binaya girərkən mühafizəçiləri və qapıda dayanan insanları öldürdülər. Sonra əsas giriş bağlandı.

Terrorçular AKM avtomatları ilə silahlanıb. Bəzilərinin müxtəlif döyüş sursatları olan bel çantaları var".

***22:49

Hadisə şahidi. "VİP lojada idik. Nə baş verdiyini gördük. Atışma, hər yeri atəşə tuturdular, qışqırıqlar, insanların qanı axırdı. Kişilər lojanın qapısına barrikada qurdular. Sonra işçilər gəldi və sürətlə bizi pilləkənlərlə yuxarı qaldırdılar. Çox insanlar zalda qaldı".

***22:48

Hücum edənlər yeraltı dayanacaqdan "Crocus"fa qalxdılar. Kəşfiyyat orqanları hücum edənlərdən birinin orada ola biləcəyindən şübhələnirlər. Hücum edənlərin hansı maşınlarla gəldiyini də müəyyən etmək cəhdləri davam edir.

***22:37

"Crocus City Hall"dakı terror aktında yaralananların sayı 130 nəfərə çatdı

***22:35

Bu dəqiqələrdə "Crocus City Hall"da Rusiya Federal Təhlükəsizlik Xidmətinin (FTX) və Rusiya Milli Qvardiyasının xüsusi təyinatlıları ilə terrorçular arasında atışma gedir.

Ətraflı

-------

22:23

Son məlumata görə ölənlərin sayı 40 nəfərə çatıb. 100-dən çox yaralı var.

-------

22:11

Yaralıların sayının 50-yə çatdığı bildirilir.

"Crocus City Hall"dakı yanğının sahəsi 3000 kvadratmetrə qədər ola bilər. Binanın böyük hissəsi yanır. Binanın damı qismən uçub.

-------

21:57

Moskva vilayətinin "Crocus City Hall" konsert salonunda baş verən atışmda ölənlərin sayının 15-ə çatdığı bildirib.

APA-nın Moskva müxbiri xəbər verir ki, bu barədə "Readovka" teleqram kanalı məlumat yayıb.

"Mash" teleqram kanalı ilə konsert salonunda partlayış baş verdiyini, tavanın çökdüyü barədə məlumat yayıb.

"Mash" eyni zamanda silahlı iki nəfərin konsert salonuna daxil olaraq insanlara atəş açmasının görüntülərini də yayıb.

-------

21:34

Rusiyanın paytaxtı Moskvadakı "Crocus City Hall"da kamuflyajlı naməlum şəxs avtomatdan atəş açıb. Hadisə "Piknik" qrupunun konserti başlamazdan əvvəl baş verib.

Milli.Az bildirir ki, hadisə şahidlərinin sözlərinə görə, naməlum şəxs avtomatdan atəş açıb və fişənglər atıb. Qaçan insanlar yerdə ən azı beş nəfər olan yaralıları görüblər. KİV-in məlumatına görə, azı 12 nəfər ölüb, 35 nəfər yaralanıb.

Atəş açanların 3 nəfər olduğu da bildirilir. Hazırda binada yanğın var.

Milli.Az

Məqaləyə dair fotomateriallar:

Digər maraqlı xəbərlər Milli.Az-ın Facebook səhifəsində.

Bizi "Telegram"da izləyin.

Şahidi olduğunuz hadisələri çəkib bizə göndərin!

Haradan

Bakı, Azərbaycan

BAK

Haraya

Gediş tarixi

Dönüş tarixi

1 sərnişin

ekonom sinifi

Otelləri göstər

DİGƏR XƏBƏRLƏR

XƏBƏR LENTİ

SORĞU

Hansı sosial şəbəkədən daha çox istifadə edirsiniz?

Facebook

İnstagram

TikTok

X (sabiq Twitter)

Odnoklassniki

Vkontakte

GÖNDƏRMƏK SORĞU NƏTİCƏLƏRİ

Şəmkirdə bıçaqlanma hadisəsi baş verib

Azərbaycanda GECƏ DƏHŞƏTİ: Daha bir "Əhməd" tapıldı, bir ailəni qana qəltan etdi

Moskvada konsert zalında dəhşət: 12 ölü, 35 yaralı

Azərbaycanlı məşqçinin VİDEOsu gündəm oldu

Müğənni Vəfa Şərifova xəstəxanaya yerləşdirilib

***22:23

Son məlumata görə ölənlərin sayı 40 nəfərə çatıb. 100-dən çox yaralı var.

***22:11

Yaralıların sayının 50-yə çatdığı bildirilir.

"Crocus City Hall"dakı yanğının sahəsi 3000 kvadratmetrə qədər ola bilər. Binanın böyük hissəsi yanır. Binanın damı qismən uçub.

***21:57

Moskva vilayətinin "Crocus City Hall" konsert salonunda baş verən atışmda ölənlərin sayının 15-ə çatdığı bildirib.

Manset.az APA-ya istinadən xəbər verir ki, Moskva müxbiri xəbər verir ki, bu barədə "Readovka" teleqram kanalı məlumat yayıb.

"Mash" teleqram kanalı ilə konsert salonunda partlayış baş verdiyini, tavanın çökdüyü barədə məlumat yayıb.

"Mash" eyni zamanda silahlı iki nəfərin konsert salonuna daxil olaraq insanlara atəş açmasının görüntülərini də yayıb.

***21:34

Rusiyanın paytaxtı Moskvadakı "Crocus City Hall"da kamuflyajlı naməlum şəxs avtomatdan atəş açıb. Hadisə "Piknik" qrupunun konserti başlamazdan əvvəl baş verib.

Manset.az bildirir ki, hadisə şahidlərinin sözlərinə görə, naməlum şəxs avtomatdan atəş açıb və fişənglər atıb. Qaçan insanlar yerdə ən azı beş nəfər olan yaralıları görüblər. KİV-in məlumatına görə, azı 12 nəfər ölüb, 35 nəfər yaralanıb.

Atəş açanların 3 nəfər olduğu da bildirilir. Hazırda binada yanğın var.