Şəhid Emin Sadiqovun anası Gülşad Rüstəmova sentyabrın 1-də Naxçıvan Muxtar Respublikası Ali Məclisinə keçirilən seçkidə lider namizəddir.
Manset.az Baku Tv-yə istinadla xəbər verir ki, tibb bacısı işləyən Gülşad xanım 34 saylı Şahbuz şəhər seçki dairəsindən qələbə qazanaraq ən yüksək göstərici - 75.28 faiz səs toplayıb.
"Oğlum özünü Vətənə, millətə, bayrağa qurban verdi. Mənim də canım Azərbaycana fəda olsun. Ən çox istədiyim şey şəhidlərimizin adlarının əbədiləşdirilməsi, döyüş yollarının araşdırılmasıdır", - deyə şəhid anası açıqlamasında deyib.
