İlham Əliyevin forumdakı çıxışı Gürcüstan mətbuatında - FOTO
2 May 2024
Ali məktəb tələbəsi adı qazananların SAYI
00:00 - 31 Avqust 2023
Dövlət İmtahan Mərkəzi (DİM) ali məktəblərin bakalavr pilləsinə qəbulun nəticələrini açıqlayıb.
DİM-dən Manset.az verilən məlumata görə. Bu il ali təhsil müəssisələrinin müsabiqəsində 70301 nəfər iştirak edib. Onlardan 51941 nəfəri (o cümlədən 6592 subbakalavr) ali təhsil müəssisələrinə qəbul olunub. 24594 (o cümlədən 1389 subbakalavr) nəfər dövlət sifarişi əsasında, 27347 (o cümlədən 5203 subbakalavr) nəfər isə ödənişli əsaslarla təhsil almaq hüququ əldə edib.
İxtisas qrupları üzrə qəbulun statistikası ilə aşağıdakı cədvəldə tanış ola bilərsiniz:
| İxtisas qrupu | Qəbul olunanlar ( o cümlədən subbakalavrlar) | ||
| Ödənişli | Dövlət sifarişi əsasında | Cəmi | |
| I | 4854 (1677) | 11779 (1054) | 16633 (2731) |
| II | 8615 (2985) | 4313 (0) | 12928 (2985) |
| III | 10699 (405) | 4194 (0) | 14893 (405) |
| IV | 971 (105) | 2895 (300) | 3866 (405) |
| V | 2208 (31) | 1413 (35) | 3621 (66) |
| CƏMİ | 27347 (5203) | 24594 (1389) | 51941 (6592) |
Xatırladaq ki, bu il 2 nəfər beynəlxalq fənn olimpiadası, 50 nəfər respublika fənn olimpiadası, 98 nəfər beynəlxalq idman yarışlarının qalibi olduğu, 31 nəfər isə beynəlxalq səviyyədə akkreditasiya olunan təhsil proqramları (IB və A-Level) üzrə təhsil aldığı üçün müsabiqədənkənar ali təhsil müəssisələrinə qəbul olunmaq hüququ qazanaraq müvafiq ixtisaslara yerləşdirilib.
Bundan əlavə, 313 abituriyent SAT imtahanının nəticələrinə əsasən, 124 abituriyent isə ADA məktəbinin məzunu kimi ADA Universitetinə qəbul olunub.
Həmçinin, I ixtisas qrupu üzrə 160 abituriyent Azərbaycan – Fransız Universitetinə (UFAZ), IV ixtisas qrupu üzrə 125 abituriyent İ.M.Seçenov adına Birinci Moskva Dövlət Tibb Universitetinin Bakı filialına, 76 abituriyent (I-IV ixtisas qrupları üzrə) M.V.Lomonosov adına Moskva Dövlət Universitetinin Bakı filialına qəbul olunub.
Digər xəbərlər
Xəbər xətti
2 May 2024
Ən son xəbərləri səhifəmizdən də izləyin