"Türklər də yunanlar kimi Kiprin bərabərhüquqlu sahibidirlər və Kipr heç vaxt yunan adası olmayacaq".
Manset.az xəbər verir ki, bunu Türkiyənin vitse-prezidenti Cevdet Yılmaz Kipr Sülh Hərəkatının 52-ci ildönümü münasibətilə Şimali Kiprin paytaxtı Lefkoşada keçirilən tədbirdə çıxışı zamanı deyib.
"Beynəlxalq ictimaiyyət Kipr türklərinin də yunanlar kimi bu torpaqların bərabərhüquqlu sahibi olduğunu qəbul etməlidir. Kipr heç vaxt yunan adası olmayacaq", - C. Yılmaz bildirib.
O vurğulayıb ki, Türkiyə Şimali Kiprə dəstəyini bundan sonra da davam etdirəcək:
"Türkiyənin iştirak etmədiyi, Kipr türklərinin hüquqlarının və Şərqi Aralıq dənizindəki qanuni maraqlarımızın nəzərə alınmadığı heç bir təşəbbüs uğur qazana bilməz".
