AMEA-nın prezidenti akademik İsa Həbibbəyli Mərkəzi Klinik Xəstəxanada müalicə alan görkəmli heykəltaraş, akademik Ömər Eldarovu ziyarət edib.
Manset.az AMEA-ya istinadən xəbər verir ki, akademik İsa Həbibbəyli Ömər Eldarovun səhhəti ilə maraqlanıb, ona Akademiya əməkdaşlarının xoş arzularını çatdırıb, şəfa diləyib.
Həkimlər akademik Ömər Eldarovun yaxşı müalicə aldığını və səhhətinin normallaşdığını bildiriblər. Görkəmli heykəltaraş, akademik Ömər Eldarov ona göstərilən diqqət və qayğıdan çox razı qaldığını bildirib və Akademiya üzvlərinə salamlarını çatdırmağı xahiş edib.
