“Rosturizm” mayın əvvəlinə qədər Türkiyəyə uçuşları bərpa edəcək

“Rosturizm” may tətilləri ərəfəsində Türkiyəyə uçuş proqramlarını bərpa etmək niyyətindədir.

Manşet.az xəbər verir ki, Bu barədə qurumun rəhbəri Zarina Doquzova bildirib.

Türkiyənin mədəniyyət və turizm naziri Mehmet Nuri Ersoyla telefon danışığı zamanı bu məsələni müzakirə edən Doquzova qarşıdan gələn turizm mövsümü üçün şərait yaratmağa çalışdıqlarını qeyd edib:

“Apreldə, may tətillərinə qədər uçuş proqramlarını mərhələli şəkildə bərpa etməyi düşünürük”.