“Bu gün Azərbaycanda dərmanlar hədsiz dərəcədə bahadır”.
Manset.az qafqazinfo-ya istinadən xəbər verir ki, bunu Milli Məclisin Gənclər və idman, Əmək və sosial siyasət, Aqrar siyasət, Regional məsələlər və Təbii ehtiyatlar, energetika və ekologiya komitələrinin birgə iclasında “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı Məlahət İbrahimqızı bildirib.
“Apteklərdə hətta ucuz dərmanların qıtlığı yaşanır. Dərmanların idxal rüsumu və ƏDV-nin azaldılmasını təklif edərdim”, - deyə Məlahət İbrahımqızı bildirib.
O, eyni zamanda Azərbaycanda işsizliyə görə verilən müavinətin təklifini edib: “Bir çox ölkələrdə bu, minimum əməkhaqqının 70-80%-i götürülür. Bu məsələyə də baxılsa, daha yaxşı olar”.
