Xəbər verdiyimiz kimi, Azərbaycan ilə Ermənistan arasında hərbçilərin qarşılıqlı surətdə azad edilməsi barədə razılıq əldə olunub. Razılığa əsasən, hazırda Ermənistanın əsir kimi saxladığı azərbaycanlı hərbçilər- Bəbirov Aqşinlə Axundov Hüseyn azad ediləcək.
Manset.az xəbər verir ki, Qafqazinfo bu münasibətlə Aşqin Bəbirovun anası Dürdanə Bəbirova ilə də əlaqə saxlayıb.
“Nə deyə bilərəm? Hər zaman sizlər yanımızda oldunuz. Prezidentimizə çox minnətdaram. Ölmüşdük, Prezidentimiz bizi diriltdi. Səsimizə səs verdi, fəryadımızı eşitdi”- deyə D.Bəbirova sevinc göz yaşlarına hakim ola bilməyib.
