ABŞ administrasiyası Kiyevə 1 milyard dollarlıq hərbi yardım paketi hazırlayır.
Manset.az xəbər verir ki, bu barədə “Reuters” mənbələrə istinadən məlumat yayıb.
Məlumata görə, hakimiyyət bu həftə Senatda qəbul ediləcəyi və ABŞ prezidenti Co Bayden tərəfindən imzalanacağı gözlənilən qanun layihəsinin vəsaitindən istifadə edəcək.
Yardım paketinə nəqliyyat vasitələri, portativ hava hücumundan müdafiə sistemləri üçün döyüş sursatı, HIMARS reaktiv yaylım atəş sistemi, 155 mm-lik artilleriya sursatları, TOW və "Javelin" tank əleyhinə raketlər və sair daxildir.
