Gürcüstan parlamenti Aİ-yə üzvlük yoluna təhlükə yarada biləcək mübahisəli xarici agent qanununu (xalq arasında Rusiya qanunu kimi tanınır) qəbul edib.
Manset.az-ın xarici mediaya istinadən məlumatına görə, Aİ-nin xarici işlər və təhlükəsizlik siyasəti üzrə ali nümayəndəsi Josep Borrell Gürcüstanın xarici agent qanununu qəbul etməsi ölkənin üzvlük yoluna mənfi təsir göstərəcəyini bildirib.
Yeni qanun media qurumlarının və QHT-lərin vəsaitlərinin ən azı 20 faizini xaricdən aldıqları halda xarici agent kimi qeydiyyatdan keçirmələrini tələb edir və buna əməl etməyənlərə böyük cərimələr tətbiq edir.
Gürcüstan administrasiyasının rəsmiləri iddia edirlər ki, onların “Şəffaflıq Qanunu” adlandırdıqları yeni tədbir xaricilərin daxili siyasətə təsir cəhdlərinin qarşısını alacaq.
Bununla belə, tənqidçilər xəbərdarlıq edirlər ki, qanun ifadə azadlığını əhəmiyyətli dərəcədə məhdudlaşdıra və Gürcüstanın Aİ-yə üzvlük müraciətini sabotaj edə bilər.
Əfsanə Rəcəb
Manşet.az
