Britaniyanın dünyaca məşhur “The Beatles” musiqi qrupunun üzvü Con Lennona məxsus “itmiş gitara” ABŞ-ın Nyu-York şəhərində keçirilən hərracda təxminən 2,9 milyon dollara satılıb.
Manset.az-ın xarici mediaya istinadən məlumatına görə, bu barədə “Julien Auction House” tərəfindən açıqlama verilib.
Bildirilib ki, "The Beatles" musiqi qrupunun 1980-ci ildə öldürülən vokalisti Lennonun 50 ildir itən və çardaqda tapılan 12 simli akustik gitarası tapılıb.
Hərrac Evinin açıqlamasında gitara rekord qiymətə 2 milyon 857 min dollara satıldığı qeyd edilib.
Açıqlamada gitaranın 1965-ci ildə çıxan "Help" və "Rubber Soul" albomlarının çəkilişi zamanı istifadə edildiyi bildirilib.
Əfsanə Rəcəb
Manşet.az
