Cənubi Efiopiyada güclü yağışların səbəb olduğu torpaq sürüşməsi nəticəsində 160 yaxın insan həlak olub.
Manset.az-ın xarici mediaya istinadla verdiyi məlumata görə, bu barədə hökumət rəsmisi xəbər verib.
"Hazırda iki kənddən 157 meyit aşkar edilib... Düşünürük ki, bu rəqəm artacaq", - deyə mənbədən vurğulanıb.
Xatırladaq ki, torpaq sürüşməsi bir gün əvvəl ölkənin cənubunda Geze-Gofa rayonunda baş verib. Bundan əvvəl təbii fəlakətdən 55 nəfərin öldüyü bildirildi.
Qeyd edək ki, Efiopiyada hazırda sentyabrın ortalarına qədər davam edəcəyi gözlənilən yağışlar mövsümü hökm sürür. Davamlı yağışlar bəzən torpaq sürüşmələrinə səbəb olur.
Fidan Əliyeva
Manşet.az
