Salvadorda 6,3 bal gücündə zəlzələ baş verib.
Manset.az bu barədə xarici mediaya istinadən xəbər verir.
Məlumata görə, zəlzələnin episentri Sakit okeanda, La Libertad şəhərindən 50 kilometr aralıda yerləşib. Yeraltı təkanlar 49,5 kilometr dərinlikdə qeydə alınıb və təkcə Salvadorda deyil, həm də qonşu ölkələrdə - Qvatemala və Nikaraquada hiss olunub. Salvador Prezidenti Nayib Bukele açıqlamasında bildirib ki, hazırda bütün bölgələrdən müvafiq vəziyyətlə bağlı hesabatlar toplanır. O əlavə edib ki, ilkin məlumata görə, tələfat və ciddi dağıntılar barədə məlumat yoxdur.
