Rusiya ordusunun Ukraynanın müxtəlif bölgələrinə pilotsuz uçuş aparatları (PUA) ilə həyata keçirdiyi hücumlar nəticəsində ümumilikdə 31 nəfər yaralanıb.
Manset.az-ın məlumatına görə, bu barədə açıqlamanı Zaporojya Hərbi Administrasiyasının rəhbəri İvan Fedorov şəxsi Teleqram hesabında yayımlayıb.
Onun sözlərinə görə, gecə saatlarında şəhərə edilən PUA hücumu nəticəsində 13 yaşlı uşaq da daxil olmaqla 29 nəfər xəsarət alıb.
Digər hücum isə Dnepropetrovsk vilayətində baş verib. Vilayət Hərbi Administrasiyasının rəhbəri Sergiy Lisak bildirib ki, Rusiyanın bölgəyə etdiyi (PUA) hücumu nəticəsində 2 nəfər yaralanıb.
