“Dünən PKK aldığı qərarı həyata keçirdiyini açıqladı və tərksilah oldu”.
Manset.az xəbər verir ki, bu sözləri Türkiyə Prezidenti Rəcəb Tayyib Ərdoğan AKP-nin toplantısında deyib.
“Biz terrorsuz Türkiyə üçün canımızı ortaya qoyduq, Türkiyənin xeyrinə olmayan heç bir işdə olmadıq. Bundan sonra Türkiyənin xeyrinə olan bütün işlərdə bizi ən öndə görəcəksiniz. Biz nə etdiyimizi çox yaxşı bilirik. Heç kim qorxmasın. Nə ediriksə, Türkiyə və millətimiz üçün edirik. Terror bitəcək, görəcəksiniz. Türkiyə qazandı, hər bir vətəndaşımız qazandı”, - Ərdoğan bildirib.
Qeyd edək ki, ötən gün “Terrorsuz Türkiyə” siyasi prosesi çərçivəsində Süleymaniyyədə bir qrup PKK üzvü silahlarını təhvil verib.
