Nigeriya hökuməti, ölkədə təqribən 161 milyon insanın qida çatışmazlığı ilə qarşı-qarşıya olduğunu açıqlayıb.
Manset.az xarici mediaya istinadən xəbər verir ki, Kənd Təsərrüfatı və Qida Təhlükəsizliyi Nazirliyinin direktoru Alhaji Nuhu Kilishi, paytaxt Abuja şəhərində keçirilən tədbirdə bu vəziyyətin ciddiliyini vurğulayıb.
Kilishi, ölkədə ərzaq çatışmazlığının 2014-cü ildən bu yana 35 faizdən 74 faizə yüksəldiyini qeyd edib və yalnız 20 faiz əhalinin qida təhlükəsizliyi olduğunu bildirib. Həmçinin, silahlı hücumlar və iqtisadi çətinliklərin kənd təsərrüfatına mənfi təsir göstərdiyini söyləyib.
Böhrana qarşı tədbirlər çərçivəsində, 774 yerli idarəetmə vahidində ev bağçılığı proqramları və toxum paylamaları həyata keçiriləcək.
