Türkiyənin Samsun əyalətində üç avtomobilin iştirakı ilə zəncirvari yol qəzası baş verib.
Manset.az türk mediasına istinadən xəbər verir ki, hadisə nəticəsində 3 nəfər yaralanıb.
Qəza Samsun-Sinop yolunun Alparslan məhəlləsində, Oğuzhan Ç.-nin idarə etdiyi avtomobilin əvvəlcə yüngül ticari avtomobillə, sonra isə taksi ilə toqquşması nəticəsində baş verib.
Yaralılar – taksi sürücüsü və sərnişin Kərəm İ. Bafra Dövlət Xəstəxanasına yerləşdirilib. Sürücü Oğuzhan Ç. isə sərxoş olduğu üçün 6 ay müddətinə sürücülük hüququndan məhrum edilib və 15 min 900 lirə cərimələnib.
Hadisə ilə bağlı araşdırma aparılır. Qəza anı təhlükəsizlik kamerası tərəfindən qeydə alınıb.
