İsrailin hücumları və blokadası nəticəsində Qəzza zolağında humanitar böhran davam edir.
Manset.az xəbər verir ki, Fələstin Səhiyyə Nazirliyi son 24 saatda daha 5 nəfərin aclıqdan öldüyünü, ümumi sayın isə 322-yə çatdığını açıqlayıb. Onlardan 121-i uşaqdır.
Nazirliyin rəsmisi Munir əl-Burş bildirib ki, Qəzza "dünyanın gözü qarşısında yavaş-yavaş ölür".
BMT-nin dəstəklədiyi IPC hesabatına görə, Qəzza şəhərində aclıq ən yüksək – 5-ci fəlakət səviyyəsinə çatıb. Yarım milyondan çox insan aclıq və yoxsulluq içindədir.
İsrailin blokadası səbəbilə bölgədə qida, su, dərman və tibbi ləvazimat çatışmazlığı hökm sürür. Təxminən 2 milyon insan evsiz qalıb, bir çoxu çadırlarda və ya məktəblərdə çətin şəraitdə yaşayır.
