Monaş Universitetinin mühəndisləri, evdə günəş enerjisinin saxlanmasını daha ucuz və təhlükəsiz edəcək yeni su əsaslı akkumulyator hazırlayıblar.
Manset.az-ın əldə etdiyi məlumata görə, "Axın batareyası" adlanan sistem, litium-ion batareyalarından daha sərfəli alternativ təklif edir.
Ənənəvi axın batareyaları böyük və yavaş olsa da, Monaş komandası yeni bir membranla bu batareyaların sürətini artıraraq evdə istifadəyə yararlı hala gətirib.
Tədqiqatçı Wanqiao Liang bildirib ki, bu texnologiya günəş enerjisini real vaxtda saxlamağı asanlaşdırır.
Yeni sistem, həm təhlükəsizlik, həm də sərfəli qiymət baxımından fərqlənir. Prototiplər artıq 3D printerlə sınaqdan keçirilib və bu texnologiya bir neçə il ərzində bazara çıxacaq.
