İllər boyu Ayın qaranlıq tərəfi kölgələr və fərziyyələrlə örtülmüş bir sirr idi. “Nature Geoscience” jurnalında səthdən alınan qaya nümunələrinə əsaslanan yeni analiz Ayın qaranlıq tərəfinin daxili hissəsinin görünən səthindən daha soyuq olduğunu ortaya qoyur.
Manset.az xarici mediaya istinadən xəbər verir ki, Çin alimləri bu qənaətə keçən il Chang'e 6 kosmik gəmisi tərəfindən Ayın Aitken kraterindən götürülmüş nümunələr sayəsində gəliblər. Bu nümunələr 2024-cü ilin iyununda Monqol səhrasına düşən kapsulla Yerə qaytarılıb.
London Universitet Kolleci və Pekin Universitetinin tədqiqatçılarının rəhbərlik etdiyi beynəlxalq komanda bu qaya parçalarının təxminən 2,8 milyard il yaşı olduğunu müəyyən edib. Tədqiqat Pekin Uran Geoloji Tədqiqat İnstitutuna gətirilən 300 qram Ay torpağı üzərində aparılıb.
