Hindistan 4.4 tonluq GSAT-7R rabitə peykini geostasionar orbitə çıxararaq ölkənin Hind okeanındakı imkanlarını gücləndirib.
Manset.az TASS-a istinadən xəbər verir ki, Hindistan Kosmik Tədqiqatlar Təşkilatı (ISRO) ölkənin Hərbi Dəniz Qüvvələri üçün ən ağır rabitə peykini uğurla kosmosa buraxıb. Peyk LVM3 raket daşıyıcısı vasitəsi ilə geostasionar orbitə çıxarılıb.
Hindistan Müdafiə Nazirliyinin məlumatına görə, peykin rabitə sistemi gəmilər, təyyarələr, sualtı qayıqlar və Hərbi Dəniz Qüvvələrinin dəniz əməliyyat mərkəzləri arasında etibarlı əlaqəni təmin edəcək.
