Yalovada yerləşən evinin pəncərəsindən yıxılaraq həyatını itirən türkiyəli müğənni Güllü ilə bağlı davam edən sirli ölüm araşdırması dərinləşir. Son inkişaflarla birlikdə, müğənninin qızı Tuğyan Ülkem Gülter ilə yaxın dostu Sultan Ulu arasındakı səs yazıları cinayət işinə daxil edilib. Səs yazılarında xaricə qaçış planı ilə bağlı şok edici ifadələr yer alıb.
Manset.az Türkiyə mediasına istinadən xəbər verir ki, 2025-ci ilin 26 sentyabr tarixində, Türkiyə saatı ilə 01:30 radələrində, Yalovanın Çınarcık rayonundakı 6 mərtəbəli binanın 6-cı mərtəbəsindəki evinin pəncərəsindən yıxılan sənətçi Güllü, bütün xilasetmə cəhdlərinə baxmayaraq həyatını itirmişdi. Ölümünün dərhal ardından başlatılan araşdırma, "Güllü qəza nəticəsindəmi yıxıldı, yoxsa qəsdən öldürüldü?" sualını gündəmə gətirmişdi. Araşdırma davam etdikcə, şübhələr xüsusilə Güllü'nün qızı Tuğyan Ülkem Gülter üzərində cəmləşib.
ATV-nin əldə etdiyi məlumatlara görə, Güllü'nün ölüm günü evdə olan dostlarından Sultan Nur Ulu'nun xaricə qaçmaq planı etdiyi yeni səs yazılarında ortaya çıxıb. Yazılarda, Tuğyan Ülkem Gülter’in, "Sən Fransaya necə gedəcəyini başa düşdün, elə deyilmi? Pasaportsuz, yük maşını ilə. Fransaya birbaşa gedə bilərik, bir də Gürcüstan haqqımız hələ də var," şəklində danışdığı eşidilib.
