İndoneziyanın Sumatra Adasında baş verən güclü yağıntılar nəticəsində meydana gələn sel və torpaq sürüşmələri səbəbindən həyatını itirənlərin sayı 950-ə yüksəlib.
Manset.az xarici mediaya istinadən xəbər verir ki, İndoneziyanın Milli Fəlakət İdarəsi (BNPB), Şimali Sumatra, Qərbi Sumatra və Açe bölgələrində baş verən təbii fəlakətlərlə bağlı son məlumatları açıqlayıb.
Açıqlamada 274 nəfərin itkin olduğu və onların tapılması üçün axtarış işlərinin davam etdiyi qeyd edilib. Həmçinin 156 minə yaxın binanın zərər gördüyü bildirilib.
