ABŞ-ın Florida ştatında iki mühərrikli Beechcraft 55 tipli təyyarə, hərəkətdə olan bir avtomobillə toqquşub. Hadisə nəticəsində 57 yaşlı qadın sürücü yaralanıb.
Manset.az xarici mediaya istinadən xəbər verir ki, Florida ştatında baş verən təyyarə qəzalarına bir yenisi daha əlavə olunub. İki mühərrikli Beechcraft 55 tipli təyyarə, Interstate 95 avtomagistral yolunda hərəkətdə olan bir avtomobillə toqquşub.
Bazar ertəsi günü yerli vaxtla saat 17:45-də baş verən qəza zamanı, 57 yaşlı qadın sürücü yüngül xəsarət alıb, amma təyyarənin iki sərnişini yara almadan hadisəni atlatıblar. Təyyarənin ön hissəsi, Toyota markalı avtomobilin isə arxa və yan hissələri ciddi şəkildə zədələnib.
Hadisə yerinə gələn müdaxilə komandaları, qəzanın təmizlənməsi prosesində magistral yolun bir neçə zolağını hər iki istiqamət üzrə bağlayıblar. Rəsmi mənbələr, pilotun təcili eniş etdiyini bildirib.
Federal Aviasiya İdarəsi (FAA) hadisə ilə bağlı araşdırma başlatdığını açıqlayıb.
