Ermənistanın xarici işlər naziri Ararat Mirzoyan ölkəsinin Azərbaycanla iqtisadi əməkdaşlıq cəhdləri və mövcud sülh prosesi barədə danışıb.
Manset.az Qafqazinfo-ya istinadən xəbər verir ki, Ermənistanın İctimai Televiziyasına müsahibə verən nazir Ermənistanda Azərbaycan benzininin satılmasına münasibət bildirib.
O, Azərbaycan yanacağının alınmasının Ermənistan vətəndaşları üçün çox sərfəli olduğunu vurğulayıb:
“Boykot çağırışlarının olduğunu gördüm, amma növbələrin də olduğunu öyrənmişəm”.
XİN rəhbəri iki ölkə arasında hələ həllini tapmamış problemlərin qaldığını da diqqətə çatdırıb:
“Sülh bərqərar olub, əməkdaşlığa cəhdlər var, amma bu, lazımi yolu keçdiyimiz anlamına gəlmir”.
