OpenAI-nin təqdim etdiyi GPT-5.2 yeniləməsi intihar və özünə zərər vermə kimi həssas mövzularda süni intellektin necə cavab verəcəyini yenidən müəyyən edir.
Manset.az xarici mediaya istinadən xəbər verir ki, şirkət bu sahənin artıq prioritet olduğunu vurğulayır.
OpenAI, ən yeni modeli GPT-5.2-ni təqdim edib və bu versiyanın xüsusilə həssas psixoloji sağlamlıq mövzularında "daha təhlükəsiz" cavablar verəcək şəkildə inkişaf etdirildiyini bildirib.
Şirkət intihar düşüncələri, özünə zərər vermə və ya emosional böhran əlamətləri kimi riskli məzmunları aşkar etmək və bu hallara uyğun cavab vermək mövzusunda əvvəlki versiyalarla müqayisədə mühüm təkmilləşdirmələr etdiyini açıqlayıb. Bu çərçivədə, GPT-5.2-nin bu cür vəziyyətləri tanıma və təhlükəli qarşılıqlı əlaqələri yüngülləşdirmə qabiliyyətinin artırıldığı bildirilib.
