Çin gələn ildən etibarən bəzi məhsulların gömrük vergisini azaldacağını açıqlayıb.
Manset.az xarici mediaya istinadən xəbər verir ki, bu dəyişiklik çərçivəsində litium ion batareyalarında istifadə olunan bərpa edilmiş qara toz kimi bəzi xammallarda gömrük vergiləri azaldılacaq.
Çin Dövlət Şurası Gömrük Vergiləri Komissiyasının açıqlamasına görə, süni qan damarları və bəzi yoluxucu xəstəliklər üçün diaqnostik testlər daxil olmaqla, tibbi məhsullarda da vergi endirimi tətbiq ediləcək.
Ümumilikdə 935 məhsulda müvəqqəti idxal vergi dərəcələri, Dünya Ticarət Təşkilatına üzv ölkələrə tətbiq olunan ən çox üstünlük verilən ölkələrə qarşı gömrük vergisi dərəcələrindən aşağı olacaq.
