Türkiyənin Yalova ərazisində üç polis əməkdaşının həlak olmasından sonra İŞİD terror qruplaşmasına qarşı ardıcıl əməliyyatlar keçirilib.
Manset.az Türkiyə mediasına istinadən xəbər verir ki, İstanbul mərkəzli olmaqla üç vilayətdə 114 ünvanda aparılan əməliyyatlar zamanı 110 şübhəli saxlanılıb.
Saxlanılan şəxslərin Yalovadakı hücumu törədən silahlılarla əlaqəli olduqları, həmçinin Yeni il günü oxşar hücum cəhdi göstərə biləcəkləri bildirilib. Ankarada keçirilən ayrıca əməliyyat zamanı isə 17 nəfər saxlanılıb.
