Almaniyada hava temperaturu mənfi 20 dərəcəyə qədər düşərkən Almaniya Meteorologiya Xidməti 9 ştatda qırmızı xəbərdarlıq verib.
Manset.az xarici mediaya istinadən xəbər verir ki, son illərin ən sərt qış mövsümünün yaşandığı Almaniyanı "Elli" adlanan alçaq təzyiq sistemi səbəbindən qar fırtınası bürüyüb. Ölkənin şimalı və şərqində başlayan qar yağıntısı və fırtına sonrası Almaniya qırmızı xəbərdarlıq yayıb.
Xəbərdarlıq Şlezviq-Holşteyn, Hamburg, Aşağı Saksoniya, Berlin, Brandenburg, Saksonya-Anhalt, Mecklenburg-Vorpommern, Türinqiya və Bavariya ştatlarını əhatə edir.
