Kanada ABŞ Prezidenti Donald Trampın son vaxtlar atdığı aqressiv addımlar fonunda ciddi narahatlıq keçirir. Venesuelada baş verən səs-küylü proseslər və Qrenlandiya ilə bağlı səsləndirilən sərt bəyanatlardan sonra Ottavada ehtiyat edirlər ki, növbəti təzyiq hədəfi məhz Kanada ola bilər.
Manset.az-ın məlumatına görə, bu barədə "Bloomberg" agentliyi yazır. Məqalədə qeyd olunur ki, bir sıra analitiklər Vaşinqtonun gələcək addımları sırasında yalnız siyasi və iqtisadi təzyiqləri deyil, hətta "hərbi məcburetmə" ssenarisini də mümkün variant kimi dəyərləndirirlər.
Ekspertlərin fikrincə, Tramp administrasiyasının qeyri-ənənəvi və sərt xarici siyasət xətti region ölkələrində, xüsusilə də ABŞ-yə yaxın müttəfiqlər arasında narahatlığı daha da artırır.
