Apple və Google Siri ilə Apple Intelligence-ın yeni nəsil versiyalarını inkişaf etdirmək məqsədilə birgə əməkdaşlıq qurduqlarını açıqlayaraq, 2026-cı ilin texnologiya dünyasında ən böyük sürprizlərindən birinə imza atıb.
Manset.az Türkiyə mediasına istinadən xəbər verir ki, Apple və Google tərəfindən verilən birgə açıqlamada texnologiya dünyasını təəccübləndirən bəzi ifadələr yer alıb:
"Apple və Google yeni nəsil Apple Əsas Modellərinin (Foundation Models) Google-ın Gemini modelləri və bulud texnologiyası üzərində qurulacağı çoxillik əməkdaşlıq sazişi imzalayıb. Bu modellər, bu il təqdim ediləcək daha fərdiləşdirilmiş Siri də daxil olmaqla, gələcəkdəki Apple Intelligence xüsusiyyətlərinə güc verəcək".
