Ermənistanda baş nazir Nikol Paşinyana hücum cəhdi ilə bağlı daha bir nəfər saxlanılıb.
Manset.az TASS-a istinadən xəbər verir ki, bu barədə ölkənin Daxili İşlər Nazirliyinin sözçüsü Narek Sarkisyan məlumat verib.
Onun sözlərinə görə, insidentdən sonra polis əməkdaşları xuliqanlıq və vəzifəli şəxsin qanuni xidməti və siyasi fəaliyyətinə müdaxilə şübhəsi ilə ümumilikdə üç nəfəri saxlayıblar. Saxlanılan şəxslər istintaq orqanına təhvil verilib.
***
15:00
Ermənistan Baş naziri Nikol Paşinyan İrəvanda Tsaxkazard liturgiyası üçün Müqəddəs Anna kilsəsində olan zaman insident baş verib.
Manset.az xəbər verir ki, bu barədə Ermənistan mətbuatı məlumat yayıb.
Məlumata görə, Paşinyan tərəfdarları ilə kilsədən çıxan zaman bir gənc ona yaxınlaşıb. Lakin baş nazirin cangüdənləri onu yaxınlaşmağa qoymayıblar.
Gənc Paşinyana "Mənə elə baxma" deyib və yumruq da atıb.
