ABŞ-nin Alabama ştatında Hərbi Hava Qüvvələrinə aid təlim təyyarəsi qəzaya düşüb.
Manset.az xarici mediaya istinadən xəbər verir ki, təyyarədəki iki pilot fırlatma sistemindən istifadə edərək sağ çıxıb.
T-38 Talon II tipli süpersonik təlim təyyarəsi yerli vaxtla saat 12:00 radələrində Alabama ştatının qərbindəki Fayette bölgəsində qəzaya uğrayıb. Təyyarənin Mississippi ştatındakı Columbus Hava Qüvvələri Bazası ilə bağlı olduğu bildirilib.
Columbus Bazası açıqlamasında pilotların sağlamlıq vəziyyəti ilə bağlı ətraflı məlumat verilməyib, lakin Fayette və Lamar polis şöbələrinə bağlı təcili yardım qruplarının hadisə yerinə göndərildiyi bildirilib. Hərbi rəsmi şəxslər təyyarənin düşmə səbəbinin hələ məlum olmadığını və Hava Qüvvələri Təhlükəsizlik Araşdırmaları Şurası tərəfindən genişmiqyaslı araşdırmanın başladığını açıqlayıb.
