ABŞ Federal Təhlükəsizlik Bürosu (FBI) ABŞ Hərbi Hava Qüvvələrində kəşfiyyat mütəxəssisi kimi çalışmış və 2019-cu ildə İran adından casusluq etməkdə ittiham olunan Monica Wittin tutulması üçün məlumat verən şəxsə 200 min dollar mükafat veriləcəyini açıqlayıb.
Manset.az xarici mediaya istinadən xəbər verir ki, FBI 2013-cü ildə İrana sığınmış olduğu güman edilən Witti izləməyə davam etdiyini bildirib.
Açıqlamada qeyd olunub ki, Wittin İranın fəaliyyətlərinə dəstək verməyə davam etdiyi güman edilir. FBI Wittin tutulmasına kömək edəcək hər hansı məlumat üçün 200 min dollar mükafat təklif edir.
