Pakistanda nəqliyyat vasitəsi idarəetməni itirərək məscidə daxil olub.
Manset.az xarici mediaya istinadən xəbər verir ki, hadisə nəticəsində 2 nəfər həyatını itirib, 30 nəfər yaralanıb.
Hadisə Pakistanın Sind əyalətinin Karaçi şəhərində baş verib. Əyləcləri işləməyən və idarəetmədən çıxan nəqliyyat vasitəsi dini yığıncağın keçirildiyi məscidə daxil olub. Hadisə ərazidə böyük panikaya səbəb olub.
Qəzanın ardından əraziyə gələn səlahiyyətli qurumlar araşdırmaya başlayıb, sürücü nəzarətə götürülüb və nəqliyyat vasitəsi müsadirə edilib. Hadisə ilə bağlı istintaq davam etdirilir.
