Rusiya prezidenti Vladimir Putin daxili bazar üçün yanacaq təchizatı ilə bağlı müşavirə keçirib.
Manset.az xəbər verir ki, müşavirədə müdafiə naziri Andrey Belousov, maliyyə naziri Anton Siluanov, Moskva meri Sergey Sobyanin və enerji şirkətlərinin rəhbərləri, o cümlədən İqor Seçin, Aleksey Miller və Vahid Ələkbərov iştirak ediblər.
Putin bildirib ki, Ukrayna Silahlı Qüvvələrinin mülki obyektlərə terror hücumlarının nəticələri minimuma endirilməlidir.
Onun sözlərinə görə, Rusiyanın ən böyük neft emalı zavodlarının gücü maksimum gücdə istifadə olunur.
Rusiya prezidenti onu da vurğulayıb ki, daxili bazar üçün sabit yanacaq təchizatını təmin etməkdən ötrü əlavə tədbirlər nəzərdən keçirilməlidir.
"Əvvəllər yığılmış yanacaq həcmləri Rusiyanın daxili bazarına çatdırılıb. Rusiya yanacaq ehtiyatlarından istifadə etməyə başlayıb, lakin benzin ehtiyatları ötən ilki səviyyədə qalır. Bu, 1,7 milyon ton təşkil edir. İyul ayında ilkin yanacaq istehsalı iyun ayı səviyyələrini keçməlidir. Özəl yanacaq şirkətləri mövcud vəziyyətdə dövlət üçün etibarlı tərəfdaş olduqlarını sübut edirlər", - Putin bildirib.
