Məşhur dietoloqlar Adiana Kastro və Loren Harris-Pinkus hansı çörək növünün sağlamlıq baxımından daha az faydalı hesab edildiyini açıqlayıblar.
Manset.az xarici mediaya istinadən xəbər verir ki, mütəxəssislərin fikirləri "MartaStewart" portalında dərc olunub.
Dietoloqlar iri üyüdülmüş təmizlənmiş undan hazırlanan ağ çörəyi ən az sağlam çörək növlərindən biri kimi qiymətləndiriblər.
Adiana Kastro bildirib ki, belə unun tərkibində kəpək və buğda rüşeymi olmur. Bu isə məhsulun lif miqdarını və tam taxıllarda olan bir sıra faydalı qida maddələrinin səviyyəsini əhəmiyyətli dərəcədə azaldır.
Loren Harris-Pinkus isə qeyd edib ki, ümumilikdə təmizlənmiş undan hazırlanan adi ağ çörəyin istifadəsini tövsiyə etmir. Onun sözlərinə görə, bu məhsulun tərkibində yüksək miqdarda karbohidrat var və bu da qanda şəkərin səviyyəsinin sürətlə yüksəlməsinə səbəb ola bilər.
Dietoloqlar xüsusilə tərkibinə şəkər və ya qarğıdalı siropu əlavə edilmiş ağ çörəkləri zərərli hesab edirlər. Onların fikrincə, belə məhsullarda lif çox az olur, kalori miqdarı isə yüksəkdir. Bu amillər çəki artımına və zamanla maddələr mübadiləsi pozuntularına səbəb ola bilər.
