Cənubi Koreya Şimali Koreyanın Yaponiya dənizi (Şərq dənizi) istiqamətində kimliyi hələlik müəyyən edilməyən raket buraxdığını açıqlayıb.
Manset.az-ın xarici mediaya istinadən əldə etdiyi məlumata görə, ölkənin Birləşmiş Qərargah Rəisləri Komitəsi (JCS) bildirib ki, Pxenyan ölkənin şərq sahilləri yaxınlığından Yaponiya dənizi istiqamətində naməlum raket buraxılışı həyata keçirib.
Açıqlamada buraxılan raketin növü və digər texniki xüsusiyyətləri barədə əlavə məlumat verilməyib.
Yaponiyanın Müdafiə Nazirliyi isə öz növbəsində bəyan edib ki, buraxılan obyektin ballistik raket olması ehtimal edilir.
