Hindistanın Bihar ştatında məbəddə keçirilən tədbir zamanı izdiham baş verib.
Manset.az xarici mediaya istinadən xəbər verir ki, hadisə nəticəsində 7 nəfər həyatını itirib, çox sayda insan yaralanıb. Bir anda fəryad səsləri eşidilib, izdiham içərisində insanlar təşvişə düşərək qaçmağa başlayıblar.
Hadisə Hindistanın Bihar ştatında yerləşən məbəddə baş verib. Məbəddə keçirilən tədbir zamanı insanların həddindən artıq çox olması səbəbindən vəziyyət qəfil gərginləşib və izdiham yaranıb.
İddialara görə, məbədin yaxınlığında elektrik dirəyinin aşması insanların təşvişə düşməsinə səbəb olub. Bir-birinə çırpılan insanlar canlarını qurtarmaq üçün qaçmağa çalışarkən izdiham faciə ilə nəticələnib.
