İzmirin Qaziemir rayonunda ata ilə oğul arasında narkotik istifadəsi ilə bağlı mübahisə qətllə nəticələnib.
Manset.az Türkiyə mediasına istinadən xəbər verir ki, qəzəblənən ata 21 yaşlı oğlunu ov tüfəngi ilə sinəsindən vuraraq öldürüb, daha sonra silahla təslim olmaq üçün polis bölməsinə gedib.
Hadisə dünən saat 21:15 radələrində Qaziemir rayonunun Aktəpə məhəlləsində baş verib. Alınan məlumata görə, ata B.K. (46) ilə 21 yaşlı oğlu Furkan K. arasında gəncin narkotik istifadəsinə görə şifahi mübahisə yaranıb. Oğul ilə ata arasındakı gərginlik tez bir zamanda davaya çevrilib. Mübahisə zamanı qəzəbini cilovlaya bilməyən ata BK evdən ov tüfəngini götürərək oğluna atəş açıb.
