İsrailə məxsus döyüş təyyarələrinin Suriyanın cənubundakı Dəraa vilayətinin hava məkanını pozduğu bildirilib.
Manset.az-ın xarici mediaya istinadən əldə etdiyi məlumata görə, İsrail döyüş təyyarələri Dəraa vilayəti üzərində uçuş həyata keçirib və bununla da Suriyanın hava məkanını pozub.
Hadisənin nə qədər davam etdiyi və uçuşların hansı məqsədlə həyata keçirildiyi barədə əlavə məlumat verilməyib.
Qeyd edək ki, İsrail ordusuna məxsus döyüş təyyarələri avqustun 18-də Suriyanın şimalındakı İdlib vilayətində yerləşən və fəaliyyətsiz vəziyyətdə olan Əbu Zühur hərbi aerodromuna zərbə endirmişdi.
