İstanbulun Beyoğlu rayonundakı Fındıklı ərazisində hərəkət edən tramvay relsdən çıxıb.
Manset.az xarici mediaya istinadən xəbər verir ki, hadisə yerinə polis, yanğınsöndürənlər və tibbi yardım qrupları göndərilib. Tramvaydakı sərnişinlər təxliyə olunub.
Hadisə T1 Kabataş-Bağcılar tramvay xəttində baş verib. Kabataş istiqamətində hərəkət edən tramvay Fındıklı dayanacağı yaxınlığında hələlik müəyyənləşdirilməyən səbəbdən relsdən çıxaraq Bağcılar istiqamətindəki relslərin üzərinə keçib.
Hadisə barədə məlumat daxil olduqdan sonra əraziyə polis və İstanbul Böyükşəhər Bələdiyyəsinin əməkdaşları cəlb olunub.
Qəza səbəbindən tramvayların hərəkəti müvəqqəti olaraq Fındıklı-Bağcılar dayanacaqları arasında həyata keçirilib.
Aparılan işlər nəticəsində relsdən çıxan tramvay ərazidən götürülüb və xətt üzrə hərəkət bərpa olunub.
