Amerika Kosmos və Aviasiya İdarəsi (NASA) dünyanın ən hündür binası Burj Xəlifədən iki dəfə böyük olan meteoritin Yerə doğru yola düşdüyünü açıqlayıb.
Manset.az-ın xarici mediaya istinadən məlumatına görə, 1,8 km diametrli nəhəng asteroid 7335 (1989 JA) NASA tərəfindən "potensial təhlükəli" kimi təsnif edilib.
Kosmik süxurların monitorinqini aparan NASA-nın Yerə Yaxın Obyekt Tədqiqatları Mərkəzindən bildirilib ki, asteroid cümə günü təxminən saat 18:26-da Yerə ən yaxın məsafədən keçəcək.
Meteorit təxminən 4 milyon kilometr məsafədən 50 min km/saat sürətlə hərəkət edəcək.
