Amerikalı aktyorun gənc oğlu ölü tapıldı

Amerikalı məşhur aktyor Cek Vaqnerin oğlu Harrison Vaqner Los-Ancelesdə avtomobil parkında ölü tapılıb.

 

Manset.az xəbər verir ki, “Melrose Place” serialı ilə tanınan aktyorun 27 yaşlı oğlunun ölüm səbəbi məlum deyil.

Keçmişində narkotik problemi olduğu bilinən Harrison 2016-cı ilin iyulunda bir həftə yoxa çıxmışdı.

Onun atası Cek Vaqner və anası Kristina Vaqner “General Hospital” serialının çəkiliş meydançasında tanış olublar.