Avropa İttifaqı Azərbaycanla Ermənistan arasında sülhün bərqərar olunmasını dəstəkləyir.
Manset.az xəbər verir ki, bu haqda Aİ-nin Cənubi Qafqaz və Gürcüstan böhranı üzrə Xüsusi Nümayəndəsi Toivo Klaar tviter hesabında paylaşım edib.
O, Prezident İlham Əliyevin Qlobal Bakı Forumundakı bəyanatını oxumaqdan məmnun olduğunu vurğulayıb.
“Ermənistanla müsbət dinamikanın ardınca “indi sülhün bərqərar olunmasının, əməkdaşlığın əsasının qoyulmasının” və “praktiki icraya keçilməsinin vaxtıdır”. Avropa İttifaqı bunu güclü şəkildə dəstəkləyir”, - Klaar qeyd edib.
