Ukraynalı deputat və Kiyevdən olan baş müzakirəçi David Araxamia rusiyalı oliqarx və “Çelsi” Futbol Klubunun keçmiş sahibi Roman Abramoviç haqqında əvvəllər heç kimin bilmədiyi faktı açıqlayıb.
Manset.az-ın xarici mediaya istinadən məlumatına görə, Araxamia Rusiyanın Ukraynaya təcavüzü zamanı başlatdığı danışıqlarda iştirak edən Abramoviçin Mariupol və digər mühasirədə olan şəhərlərdə humanitar dəhliz yaradaraq Ukrayna vətəndaşlarının həyatını xilas etdiyini bildirib:
“Sövdələşmələrin çoxu onun vasitəsilə həyata keçirilib. Mariupol, Berdyansk, Zaporijyadakı humanitar dəhlizlərin açılmasında birbaşa iştirak etdi, lakin Kiyevin şimalındakı Buça, Makarov və Çerniqov rayonlarından gələn dəhlizlərə kömək edə bilmədi”.
