İranın Şərqi Azərbaycan əyalətinin Azərşəhr şəhərində Atlasfam Paint boya zavodunda partlayış baş verib. Partlayış nəticəsində 10-u ağır olmaqla ümumilikdə 65 nəfər yaralanıb.
Manset.az haberglobal-a istinadən xəbər verir ki, Şərqi Azərbaycan Qızıl Aypara Cəmiyyətinin baş direktoru Həmid Mencem verdiyi açıqlamada, “Bu gün yerli vaxtla saat 12:42-də Atlasfam Paint adlı boya fabrikində partlayış baş verib.
Partlayış nəticəsində 150 nəfər zərər çəkdiyi halda, 10-u ağır olmaqla 65 nəfər yaralanıb. Mencem hadisə yerinə 3 xilasetmə qrupu və təcili yardım maşınlarının göndərildiyini bildirib.
Şərqi Azərbaycan Böhran İdarəetmə Baş direktoru Muhammed Bakır Hünərber qeyd edib ki, partlayış boya anbarında baş verib və ondan sonra başlayan yanğın bütün fabrikə yayılıb. "İlkin əlamətlər göstərir ki, partlayışa boya çənindəki qaz sızması səbəb olub", - deyə bildirib.
Yaralıların şəhər və ətraf bölgələrdəki xəstəxanalara çatdırıldığını söyləyən Hunerber, "Partlayışın şiddətindən yaralı sayının artma ehtimalı davam edir" dedi.
