Ermənistanda qar uçqununda 2 hərbçi öldü

Ermənistanın Sünik vilayətində qar uçqunu nəticəsində hərbçiləri daşıyan “UAZ” markalı avtomobil dərəyə yuvarlanıb.

 

Manset.az “Qafqazinfo”ya istinadən xəbər verir ki, bu barədə məlumatı ölkənin Müdafiə Nazirliyi yayıb. 

Hadisə nəticəsində 2 hərbçi ölüb, daha 2-si isə yaralanıb. Yaralıların vəziyyəti orta ağır olaraq qiymətləndirilir.

İnsident fevralın 19-u axşam saatlarında baş verib.